MSU in Education Minister hmu

Ni 21/Dec/18 (Zirtawpni) chhun dar 12 khan MSU, Gen. Hqrs, Aizawl chuan Pu Lalchhandama Ralte, Minister i/c School Education Department nen inkawmhona hun an hmang a.

MSU hian zirna kaihhnawih thilah School timing tihdanglam chu National Curriculum Framework (NCF)-in a sawi ang leh, zirlai leh chhungkaw tam takin harsatna an tawh sut kian nan zirtirtu, zirlai leh nu leh pate duhdan (STAM questionnaire 2017) ang leh tunhma a tan hun leh ban hun (9am - 3pm) chu Mizoram Academic Session 2019 a hman leh ngei a nih theih nan an ngen a.

Mizo zirlai lehkhathiam, chhungkaw harsatna leh chhan dang tamtak vanga zir chhunzawm thei lote tan zirna sang zawk leh an nih duh ang leh an tum ram an thlen ngei theih nana țanpuina tur "Educational Trust Foundation" din dan tur chungchang te an sawipui a ni.

Issued by : Mizo Students' Union (MSU) ; General Headquarters, Aizawl.

MZP LEH EDUCATION MINISTER INKAWM CHUNGCHANG PR

MZP PRESS RELEASE

21st December, 2018

Vawiin 21st December, 2018 Chawhma dar 10:30 khan Pu Lalchhandama Ralte School Education Minister room-ah MZP hruaitute leh School Education Minister Pu Lalchhandama Ralte kaihhruaina in meeting neih a ni.

Meetingah hian  School Education Minister leh MZP hruaitute hian inpawh tlang takin Mizoram Education siamthat dan chungchang sawiho a ni a, hun remchang hmasa berah meeting neih ho leh tura ruahman a ni bawk a ni.

Meetingah hian zirtirtu semrual chungchang te, Mizoram Education Service siam chungchang te, School Education Directorate pahnih(Elementary - Secondary) a thenhran chungchang te, CCE ennawna siamthat chungchang te, National leh State level a zirtirtu chawimawina dawng te hamthatna dawn tur chungchang te, School timing chungchang te, Hostel rules chungchang leh School fee chungchang te sawiho a ni.

EDUCATION MINISTER NEN INKAWM

Vawiin 21.12.2018 (Zirtawpni) chawhma dar 10:30 khan Education Minister thar Pu Lalchhandama Ralte chuan a Office Chamber, New Secretariat Complex-ah MZP General Headquarters hruaitute lengah a sawm a, thungpui inhona neih niin Mizoram zirna (education) chungchanga sorkar thar hmachhawp leh mizoram zirna siamtha tura hmalak ho zel dan tur te inpawh tlang taka sawiho a ni.

MZP lam hi Tv. L.Ramdinliana Renthlei President in a ho a, Elected Office Bearer te bakah Executive Committee Member leh NESO Council Member hman remchang apiangin an tawiawm a. Education Minister hi Pi Esther Lalruatkimi IRS, Secretary to School Education bakah Pu Lalrinsanga Ralte M.L.A leh Pu Lalmuanpuia M.L.A ten an tawiawm a ni 

MZP HRUAITU HLUI MLA TLING TE CHAWIMAWI A NI

Vawiin 19.12.2018 chawhnu darkhat hian MZP Conference Hall-ah kumin MLA General Election a MZP hruaitu hlui hlawhtlinna chang te chawimawina hun leh kumin atana MZP Pisa kharna hun hman a ni.

Chawimawina hun hi Pu B.Vanlaltana Vice President in a kaihruai a, MZP President Tv. L.Ramdinliana leh chawimawite atangin thusawi ngaihthlak a ni a, Pu Lalnunmawia Pautu G.S in report pein chawimawina hun a kaihruai.

.

MZP hruaitu hlui MLA tling, vawiin a chawimawi te chu:-

1. Pu Lalruatkima, Ex-President

2. Pu Lalchhandama Ralte, Ex-President

3. Pu L.Thangmawia, Ex- G.S

4. Pu TJ.Lalnuntluanga, Ex- Legal Adviser/ ECM

5. Pu Lalrinsanga Ralte, Ex-E.C.M

-------------------------------------------------------------

#mzpnews #mzp

MZP PISA KHAR LEH CHAWIMAWINA HUN HMANG DAWN

Ni 19 December, 2018 (Nilaini) chawhnu dar 1:00 PM hian MZP Conference Hall, Aizawl-ah kum 2018 atana MZP Pisapui kharna hun leh MZP General Headquarters hruaitu hlui, kumin MLA Election a hlawhtlinna chang ta te chawimawina hun hman a ni dawn.

Pisapui kharna leh Chawimawina hun hi; Pu B.Vanlaltana Vice President MZP in a kaihruai ang a, Pu S.F. David Ngursangzuala Adviser hi hunserh a hmang tura ruat a ni. MZP President Tv. L.Ramdinliana Renthlei chuan kum 2019 MZP Calendar tlangzarhna leh thusawina hun a hmang ang a, Pu Lalnunmawia Pautu in MZP hruaitu hlui MLA tling tharte chawimawina hun a kaihruai bawk dawn a ni. He hunah hian chawimawi te thusawi na hun pek an ni bawk.

Chawimawi tur te:

1. Pu Lalruatkima, Ex President
2. Pu Lalchhandama Ralte, Ex President
3. Pu L.Thangmawia, Ex General Secretary
4. Pu T.J.Lalnuntluanga, Ex Legal Adviser
5. Pu Lalrinsanga Ralte, Ex E.C.M

MZP INTER H.S QUIZ ZAWH A NI TA

Nizan 14.12.2018 khan MZP Inter H.S Quiz 2018 chu tluang takin Ignite Studio-ah zawh fel a ni a. Final hun hi Pu T.J Lalnuntluanga M.L.A in khuallian niin a hmanpui.

Quiz-ah hian sikul sawmpahnih an tel a, chung zingah chuan St. Pauls H.S.S te chu Pakhatna an ni a. Govt. Mizo H.S te pahnihna niin, St. Joseph H.S.S te chuan pathumna an hauh thung. St. Paul's Higher Secondary School aiawhin F. Remsangpuia leh Lalduhzuali Sailo te an tel a, Govt. Mizo H/S atangin Francis Muanawma leh Isaac Lalremruata te telin, St. Joseph HSS atangin Lalrinnungi leh Ruthi Lalngilneii ten sikul ai an awh a ni.

Pakhatna in Trophy leh thuziak bakah tangka fai Rs. 30,000.00/- an dawng a, pahnihnain Trophy+Thuziak+Rs. 20,000.00/- leh pathumnain Trophy+thuziak+ Rs.10,000.00 an dawng. 

MZP Inter H.S Quiz hi MZP General Headquarters chuan chumlo chatloin, kum tin 2010 atangin a lo buatsaih tawh thin a. Kumin hi a vawi 9-na niin Food & Drugs Administration Wing, H&FW Deptt. Mizoram in a sponsor a. Quiz Master hi Nl. Lalbiakdiki a ni.